الرئيسية / المدونة / اليافطة

  • لأول مرة بعد سنوات يخرج عصام سعيدا مستنشقا هواء الحرية‎
    نعم، هو الآن حر من قيود الوظيفة التى كبلته طيلة ال 9 أعوام السابقة
    وعقله حر طليق يبدع كيف يشاء
    آن الأوان ليسطر أولى أحرف نجاحه بيده
    إنها شركته التى يحفر اسمها فى كل مذكراته كي يطلقها إلى النور ، فبدأ يكتب بقلمه الخاص فى أقصى لحظات النشوة والشعور بالنجاح " شركة أشوكا أرت"
    فجأة .. يصيح " أمين "صديق عصام المقرب بصوت مسموع ... ايه يا عم عصام اللى انت بتعمله ده !! ...
    في حد يكتب اسم الشركة كده يا أخي !
    عصام : انت معترض ليه بس ده امبراطور هندى كان مهتم بفن العمارة ؟
    أمين : مختلفناش يا عم الهندى بس اسم الشركة ده ليه أصول يا فنان لازم نتبعها ،لانك هتتعامل مع جمهور و له ثقافات وبتستهدف بيها انك يكون لك اسم فى السوق ، وده اسمه Brand Name .

    عصام متسائلا : مممم كلام وجيه طب دبرنى يا وزير .
    أمين : بص يا سيدي أنا كنت فى إجتماع مع شركة brandkey وعلموني خطوات بسيطة للموضوع ده .
    1- اختيار الاسم ، 2- اختبار الاسم ، 3- توثيق الاسم .

    بص يا عصوم وركز معايه (انتوا كمان ركزوووووووا) 

    ★★ 1- آليات إختيار الاسم يعنى يكون
    ( متميز وسهل ، متوافق مع محركات البحث ، مسموح بيه ) 

    ■ الاسم يعكس قيمة الشركةالتى تقدمها للمجتمع ، مثلا لو هدفك تدريب يبقى تكتب فيها training أو academy أو school أما لو هدفك خدمة متخصصة يبقى digital أو brand أو leads وهكذا ..

    ■ خلى الاسم يخاطب العميل أكتر من انه يخاطب المنتج ، يعني مش كفاية تقول انك شركة فلاتر مياه ، قول انك شركة الحياة .

    ■ الناس بتحب الأسماء المفهومة أكثر من الأسماء الغامضة .

    ■ لو نشاطك مرتبط بمنطقة محددة يكون كويس انك تذكرها مثلا brand Egypt ده يبقى معناه انك محدد مصر فقط لعملائك .

    ■ الأسماء القوية لازم تكون سهلة التذكر .

    ■ بلاش تعتمد على الاسماء المنسوخة ( المستخدمة عند المنافسين ) بإختصار خليك جديد .

    ■ الاسم بيتضمن كلمة العميل فاهمها وممكن يدور بيها على الانترنت علشان يوصل للمنتج أو الخدمة .

    ☆☆2- اختبار الاسماء .

    ▣ الاسم اللى حتختاره مهم جدا تقدر تحجز بيه Domain Name علشان في أكثر من 85 % من العملاء موجودين اونلاين .

    ▣ يكون مسموح انك تحجز بيه ورق قانوني باسم الشركة ( نستشير فيها المحاسب القانوني )

    ☆☆ 3- بمجرد اختيار الاسم بتاع شركتك خد بالك من " توثيق الاسم " .

    ▣ اعمل لنفسك اسم مختصر علشان يكون هو العلامة التجارية بتاعتك ،

    ▣ اعمل رمز معبر عن الاسم Logo : وإختيار الألوان المناسبة والشكل المناسب اللى العميل يحبه ويتفاعل معاه علشان ده اللى هتعتمد عليه فى التسويق .

    ▣ اعمل شعار معبر عن قيمة الخدمة اللى بتقدمها slogan وخاطب بيه عميلك بشكل مباشر مثلا grow your business يبقى انت بتخاطب عميلك ان معانا هتطور أعمالك وتنميها .

    عصام : بصراحة انت صاحب جدع أخر حاجة لو مكنتش نبهتنى كنت حبدأ بداية غلط 
    و حضيع فلوس و مجهود كبير انا دلوقتى بقيت مقتنع ان الإبداع وحده لا يكفى 
    نصيحة : أسأل حد مر بنفس التجربة أو حد متخصص و استفيد من خبرات الأخرين .
    توكلنا على الله : اشوفكم الحلقة الجاية خبرات جديدة و مرحلة تأسيس شركتى الجديدة .

 

  • تعليقات
تعليقات

الاسم بالكامل

البريد الإلكتروني

تعليقك